ياربي اعطيني راجل شباب وعندو bmw

توحشتوني علابالي ايه بلا ماتقولوا (ياعيني على التواضع [ندعوك للتسجيل في المنتدى أو التعريف بنفسك لمعاينة هذه الصورة] )
المهم جتيكم اليوم باه نحكيلكم على واحد العفسة انتشرت بزااااف وهاذ العفسة تعبت الشباب تاعنا اليوم الله يعطيهم الربح (شفتو اني ندعيلكم )
المهم مانطولش لحكاية هاذي صرات نهار العيد كي تلمييت انا وبناات نعرفهم في دار وحدة باه نحكيو شوية ونقرعجو بزاااف تاني [ندعوك للتسجيل في المنتدى أو التعريف بنفسك لمعاينة هذه الصورة] ايا وحنا قاعدين قلت لفلانة ديرلي عفسة وكي دارتهالي قلتلها الله يعطيك ماتتمناي [ندعوك للتسجيل في المنتدى أو التعريف بنفسك لمعاينة هذه الصورة] لثما رفدت يديها وقالت ياربي اعطيني راجل شباب وعندو ليميسكل (باه يحميها كيما كان بوباي يحمي زيتونة [ندعوك للتسجيل في المنتدى أو التعريف بنفسك لمعاينة هذه الصورة] ) وعندو bmw [ندعوك للتسجيل في المنتدى أو التعريف بنفسك لمعاينة هذه الصورة] ( من نيتك حبيبتنا ) وفهاذيك اللحظة شافت فيا حبيبتي لي نفهمها وتفهمني هاذيك الشوفة تع كي يعييك واحد [ندعوك للتسجيل في المنتدى أو التعريف بنفسك لمعاينة هذه الصورة] وقاتلها نقولك حاجة فيف الزوالي للصباح اديها من عندي
وهنا انا نقول صح عندها الحق يحيالي الزوالي مسكين كي يجي يزوجك تخرج عمرو باه يلم هاذوك الدراهم ويديرلك عرس الله الله تفرحي بيه وتتفكريه حياتك كاملة [ندعوك للتسجيل في المنتدى أو التعريف بنفسك لمعاينة هذه الصورة] ونهار يديك يتفكر بلي ديما تعب باه يجييبك وهكا رايحا تكوني انت اغلى حاجة في حياتو [ندعوك للتسجيل في المنتدى أو التعريف بنفسك لمعاينة هذه الصورة]
على عكس حبيبنا مول الشكارة عندو ديااار طوموبيلات دراهم يعني عندو بزاااف عفايس ونهار يجيبك مايعيش روحو كامل يجيبك بالساهل [ندعوك للتسجيل في المنتدى أو التعريف بنفسك لمعاينة هذه الصورة] وكاش مايصرا بدراهمو يعاود يجييب لالاك
على عكس سيد الرجال الزوالي كاش مايصرا يعاود يخمم يزوج يتفكر العرس قلبو يوجعو يعاود يرجع وتعيش مع بعضاكم في سعادة وهناء [ندعوك للتسجيل في المنتدى أو التعريف بنفسك لمعاينة هذه الصورة]
المهم يالبنات ومانيش نقول كامل الله يرضى عليكم كي تشرطي اعرفي واش تشرطي انت واش يهمك المهم يحبك ويخاف علييك (ياعيني على معيشة كيما هكا خخخخخ )
ان شاء الله نكون كنت خفيفة علييكم واتكلموا ماتخلوهاش في قلبكم [ندعوك للتسجيل في المنتدى أو التعريف بنفسك لمعاينة هذه الصورة]
سؤال الشباب واش رايكم فالبنات لي يشرطو كيما هكا ونصيحة ليهم
سؤال للبنات في رايكم علاش لبنات عادو يشرطوا كيما هكا عفايس جايحين مايدخلوش للراس

كانت معكم الزهرة الحمراء تحييكم من وراء الشاشة

» ظل راجل ولاظل حيط
» شباب الأمة ماذا بعد
» زيت الأفوكادو يقوى الشعر ويجدد شباب البشرة
» الدكتور خالد عمارة: مشروع حكيم ناجح لتدريب شباب الأطباء بـ"طب قصر العينى"