الشبآب في الجزآئر يحبسـو الرآس

[ندعوك للتسجيل في المنتدى أو التعريف بنفسك لمعاينة هذه الصورة]

ندخلو مباشرة في الموضوع المهم

بزاف لي جان تاوعنا حياتهم كامل مايخموش على لافونير تاعهم.. حتى يلحقو ل certain age يفيقو لرواحتيهم و يقولو يا ندامة.. و لا يقولو الله غالب مالحقناش

القراية مايكملوهاش.. و يقولك وش نديرو بيها.. القاريين هاد الوقت راهم شادين الحيوط.. و يتبعو المقولة اللي تقول : اللي قرا قرا بكري
[ندعوك للتسجيل في المنتدى أو التعريف بنفسك لمعاينة هذه الصورة]

و من بعد للبطالة ديراكت.. يحكمو الحيوط و لي جورني تاوعهم يتعاودو
*المنوض ماشي قبل ال 11 تاع النهار.. غير ينوض ينوض بالعياط.. حطولي حليــــــــب.. و من بعد يلبس الحوايج المخيرين عندو.. يبيكي شعرو.. ويعبق الحالة بالريحة.. تاع اختو بيانسور.. و يجيبها في الزنقة.. بيانسور قدام الليسيات و السيام.. و يقابر هدي رايحة و هدي جاية.. بيانسور مع لي كومونتار

و من نيمرو تاع هادي لنيميرو تاع لخرى.. و راكم علابالكم كيفاش الحب مسكين راهو يتمرمد في الجزائر [ندعوك للتسجيل في المنتدى أو التعريف بنفسك لمعاينة هذه الصورة]

*و من بعد يولي للدار.. يعمرها و يعاود يخبطها برقدة حتى لمور العصر..(لاسياست لازم يطبق السنة).. بصح ينوض قبل المغرب بشوية

*و موراها ديركت للزنقة.. يلعب مع صحابو.. يلعبو ماتش.. دومين.. كارطة
بسلامتهم يعرفو يجوزو الوقت
و يدخل للدار قريب الفجر.. و ديركت للرقاد و ماينوضش قبل ال11 تاع النهار:[ندعوك للتسجيل في المنتدى أو التعريف بنفسك لمعاينة هذه الصورة]صايي تعود المشي على هاذ الريتم

*و هكدا هكدا.. لي جورني كامل يتعاودو.. و يجوزو اعوام و هوما هكدا
[ندعوك للتسجيل في المنتدى أو التعريف بنفسك لمعاينة هذه الصورة]

**الام مسكينة.. تعيا تنصح ياوليدي يا وليدي..يقولها راني كبير و نعرف مادبروش عليا ..المسكينة هكداك و تبقى تنصح فيه.. بصح شغل راهي تهدر مع حيط للعلم هو والحيط كيف كيف ولا الحيط خير منو بشوي

**الوالد مسكين كيف كيف.. مرات يهدر بالعقل..و مرات يدبرلو خدمة بصح الولد يتكبر على الخدمة.. يقول مانخدمش اي خدمة..(بيانسو يحوس على المدخول بزاف و التعب قليل).. و مرات يداوس مع وليدو و كاين اللي حتى يحاوزو ولادهم و يقول خلي الزنقة تربيه.. مي اسكو الشارع يسقم البنادم؟ [ندعوك للتسجيل في المنتدى أو التعريف بنفسك لمعاينة هذه الصورة]

**و تجوز عوام و عوام.. هنا الشاب يلقى روحو خلاص بدا يكبر.. راح الحال و يبدا يحسب [ندعوك للتسجيل في المنتدى أو التعريف بنفسك لمعاينة هذه الصورة]
لازم يستبيت.. و لازم خدمة دايمة و لازم دار .. يصيب روحو لازم عوام باش يفريها..هنا يقبل باي خدمة يولي يقول يا ندامة لوكان غير يولي الوقت للور.. و كي يسقسوه علاش وصلت روحك لهاد الحال.. يقول الله غالب مالحقناش.. مايستعرفش مامبا بلي كان دايها غير لعب
اسمحولنا اذا جبدنا حاجة تجرح شبابنا
[ندعوك للتسجيل في المنتدى أو التعريف بنفسك لمعاينة هذه الصورة] وحاشا اللي ما يستاهلوش
واحترآمي ليكم روآد واش راك تهدر وفيفـآ اللمـة وليزآلجروآن