الأفلآم والمُسلسلآت الجزآئرية

علابالي كل يوم مهبلتكم بموضوع جديد من مواضيعي
والله هاد الأيام راهم ينزلو عليا الأفكار ما شاء الله هههه
المهم ندخلو في الموضوع مباشرة
علابالي مع شفتو العنوان حكمكم الفضول ودخلتو تقراو [ندعوك للتسجيل في المنتدى أو التعريف بنفسك لمعاينة هذه الصورة]
اليوم عندكم ما تقراو اقراو و رتحو ههه [ندعوك للتسجيل في المنتدى أو التعريف بنفسك لمعاينة هذه الصورة]

المهم علابالنا أنو كل جزائري عندو عقدة في قلبو من جملة "الأفلام والمسلسلات الجزائرية"
وأنا تاني عندي عقدة وحبيت نفرغها هنا[ندعوك للتسجيل في المنتدى أو التعريف بنفسك لمعاينة هذه الصورة] مالا تبعوني نحكيلكم على الأفلام الجزائرية
ولا نسميها الكوميديا الجزائرية أحسن
لأنو نأكدلكم 90 بالمئة من الجزائريين لي تلقاهم يتفرجو في فيلم جزائري عندهم 3 أسباب
يا إما راحلو البارابول وبقاتلو غير القناة الجزائرية ههه [ندعوك للتسجيل في المنتدى أو التعريف بنفسك لمعاينة هذه الصورة]
ويا إما الإنسان هاداك مغموم وحاب يضحك ويرفه عن نفسو [ندعوك للتسجيل في المنتدى أو التعريف بنفسك لمعاينة هذه الصورة]
ويا إما الإنسان هادا مقلق وما لقاش فاه يبرد قلبو يولي يحط مسلسل جزائري ويعلق عليه [ندعوك للتسجيل في المنتدى أو التعريف بنفسك لمعاينة هذه الصورة]
هادو هوما الأسباب و إلا لي راهو يتفرج شيخ كبير وعجوزة كبيرة مايسمعو وما يشوفو مليح هههه
المهم حاجة تتحرك في التلفاز وخلاص [ندعوك للتسجيل في المنتدى أو التعريف بنفسك لمعاينة هذه الصورة]
وأنا راني مع هادو الناس لأنو الأفلام تاعنا كارثة , كن نجيو نهدرو على عنوان الفيلم برك
واحد اسمو " نور الفجر" ولاخر " شمس الحقيقة " ولاخر "شمس الصباح"
تحس روحك تتفرج في أحوال جوية وتعس في شروق الشمس [ندعوك للتسجيل في المنتدى أو التعريف بنفسك لمعاينة هذه الصورة]
كن زادو ذكرولنا درجة الحرارة وخلاص هههه [ندعوك للتسجيل في المنتدى أو التعريف بنفسك لمعاينة هذه الصورة]
ولا تلقى اسم المسلسل
"يا الماشي في الليل" زعم هادا من فصيلة الخفافيش يخرج غير في الليالي ؟ [ندعوك للتسجيل في المنتدى أو التعريف بنفسك لمعاينة هذه الصورة]
ولا "شفيقة بعد اللقاء" أصلا وكتاه صرا اللقاء باه نشوفو بعد اللقاء
من لي نعرف شفيقة مسكينة وهي مغمومة ومشاكل الدنيا طايحة عليها [ندعوك للتسجيل في المنتدى أو التعريف بنفسك لمعاينة هذه الصورة] , اللقاء وماشافتوش فمابالك ببعد اللقاء
وكي يخلص عليهم الاسامي يسميو "وهيبة" ولا "مريم" ولا "نعيمة" بنات الجزائر كامل يجبدوهم [ندعوك للتسجيل في المنتدى أو التعريف بنفسك لمعاينة هذه الصورة]
هادا العنوان تاع الفيلم برك ولازملو تحليل من طبيب نفسي فمابالك بالمحتوى؟
حنا فالحين غير في الكوميديا أما الدراما حدث ولا حرج , اصلا الدراما انتحرت لما سمعت بلي ولينا نديرو دراما [ندعوك للتسجيل في المنتدى أو التعريف بنفسك لمعاينة هذه الصورة]
لا قصة تصلح ولا سيناريو يصلح , نفس القصة يعاودوها , ديما لازم كاينة مرت الاب الشريرة
وكن ماتحضرش مرت الأب ما يصلحش الفيلم, الأمهات الجزائريات كامل قتلوهم ,
تحس روحك تتفرج في والت ديزني هوما لي فيهم مرت الأب الشريرة ويتزوج الأمير بالأميرة في الأخير ويعيشو بسعادة
وحنا الافلام تاعنا تلقى نفس الممثلين في كل الافلام وفي نفس الأدوار يبدلولهم غير الديار والفيلات والشركات والسيارات
حتى تتوسوس تقول هادا فيلم خلاف ولا الممثلين باعو دارهم وشراو دار خلاف؟ [ندعوك للتسجيل في المنتدى أو التعريف بنفسك لمعاينة هذه الصورة]
و يا يما على هاداك التمثيل [ندعوك للتسجيل في المنتدى أو التعريف بنفسك لمعاينة هذه الصورة] تلقى الممثل يحكي مع صاحبو بصح يشوف مع الكاميرا ويهدر معاها
تقول يقدم في الأخبار , قريب تخرجلو من الشاشة تاع التلفاز وتقولو اهدر مع صاحبك علاه تهدر معايا ؟؟ [ندعوك للتسجيل في المنتدى أو التعريف بنفسك لمعاينة هذه الصورة]
تمسخير في تمسخير [ندعوك للتسجيل في المنتدى أو التعريف بنفسك لمعاينة هذه الصورة] , وزعما باه ينعتلك الممثل كيما كان صغير وكيفاه كبر بعد سنوات واش يديرلك؟
يزيدلو شعر مستعار هههه [ندعوك للتسجيل في المنتدى أو التعريف بنفسك لمعاينة هذه الصورة] ويا ريتو مازاد هاداك الشعر, بالاك عش العصفور أرحم هههه
معرف منين جابو الشعر هاداك تقول عليه مخلفات تاع كاش قبيلة من العصور الحجرية هههه
حتى تتوسوس وتولي تشوف مع شعرك [ندعوك للتسجيل في المنتدى أو التعريف بنفسك لمعاينة هذه الصورة]
ولدرجة في الأفلام تاعنا مايلقاوش كيفاه يجبدوك بقضية مهمة يولي يدخلك المخدرات
ياو المخدرات راحت لامود تاعها جيبلي حاجة جديدة [ندعوك للتسجيل في المنتدى أو التعريف بنفسك لمعاينة هذه الصورة]
تكون تتفرج لمدة 20 حلقة في عائلة طيبة وعايشين حياتهم لاباس ومن بعد كي يبقاو زوج حلقات ويخلص المسلسل تكتشف بلي العائلة هاديك أكبر مروجة للمخدرات ؟؟ واش هادا تخلعو فينا ولا كاميرا كاشي ؟؟ [ندعوك للتسجيل في المنتدى أو التعريف بنفسك لمعاينة هذه الصورة]
يبدلك محتويات الفلم في زوج حلقات ههه, مرة شفت مسلسل فيه شاب اكتشف في الحلقة ما قبل الأخيرة بلي والديه ماشي والديه الحقيقيين , وفي الحلقة الأخيرة لي مدتها 15 دقيقة لقى والديه الحقيقيين ولقى بنت الحلال وتزوج وجاب الولاد وقريب ينعتلك كيفاه زوج ولادو , آو في 15 دقيقة دار هاد الشي كامل؟ أنا نعرف الشاب الجزائري مسكين 20 سنة قبل مايزيد في الدنيا وهو يوجد باه يتزوج ومعرف لاكان يلحق ههههه والله مهزلة [ندعوك للتسجيل في المنتدى أو التعريف بنفسك لمعاينة هذه الصورة]
وزعما هاداك المافيا ولا زعيم المروجين تاع المخدرات باه يبينلك القساوة تاعو واش يديرلو؟؟ [ندعوك للتسجيل في المنتدى أو التعريف بنفسك لمعاينة هذه الصورة]
يطولو شعرو ويحطلو قارو في يديو, وهو والله يصلح يكون مربي في حضانة الأطفال لدرجة وجهو حنين [ندعوك للتسجيل في المنتدى أو التعريف بنفسك لمعاينة هذه الصورة]هههه
ولما توصل الحلقة الأخيرة وما يلقى كيفاه يدير للشرير تاع المسلسل يولي يقتلو وخلاص
هكا يقضي عليه نهائيا وما يزيدش يظهر, ماشي كيما في الافلام الهندية يحرقو العبد ويحطو الرماد تاعو في قرعة ويربطو القرعة هاديك بسنسلة تاع حديد ويرميو القرعة هاديك من قمة جبال الهيمالايا ويزيد يبعت فوقها قنبلة نووية و غدوة تلقى الشخص هاداك رجع وبصحتو وحي ويزيد يغني وصوتو مليح هههه ( خلي المرة الجاية نديرلكم موضوع على الأفلام الهندية ههه)
نوليو للأفلام الجزائرية , حنا الأفلام تاعنا ديما الحلقة الأخيرة لازم تخلص بعرس, تقعد 30 دقيقة ونتا تتفرج في الناس تشطح[ندعوك للتسجيل في المنتدى أو التعريف بنفسك لمعاينة هذه الصورة] وتزغرت [ندعوك للتسجيل في المنتدى أو التعريف بنفسك لمعاينة هذه الصورة]تقول ناقصين عراس, ولا زعما باه يبينولنا بلي نهاية سعيدة؟ ياو الفيلم بعد ماتفهموش إذا فلم حزين ولا رومانسي ولا فيلم رعب ( وخير لينا مانديروش فلم رعب لأنو يولي كوميدي وقادر تلقى الزومبي يشطح قبايلي عادي هههه) ولا فيلم درامي ولا جتماعي
جامي يخلصلك مثلا نهاية مفتوحة ويخليك تستغرب[ندعوك للتسجيل في المنتدى أو التعريف بنفسك لمعاينة هذه الصورة], أصلا لما تحط مسلسل جزائري وقبل ماتبدا الحلقة الأولى ونتا تشوف في الجينيريك تفهم الحكاية كامل وواش يصرا ههه تولي تطفي التلفاز وتقعد بلا ماتعب روحك وتتفرج راك فهمت كل شي
ونزيدكم حاجة لما يحبو زعما يديرو فيلم أكشن ويحب يفجرلك زعما سيارة, في الأفلام تاع الخارج حتى تغيضك السيارة لي رايح يفجرها لدرجة آخر طراز, بصح حنا يجبلك سيارة مسكينة بقالها نهار وتموت بالاك فرعون وساقها ههه
ويديرلك بيها الأكشن زعما ويفجرها, وبالاك حشمو يجيبو دراجة يفجروها هههه
ويعجبني لما يطلع الجينيريك وتلقى التشكرات فيها غير المطاعم والمستشفيات
شعب ياكل ويمرض طول هههه , لا حول ولا قوة إلا بالله [ندعوك للتسجيل في المنتدى أو التعريف بنفسك لمعاينة هذه الصورة]
يتخربطو أفكاري لما نشوفهم, أصلا جامي بكيت[ندعوك للتسجيل في المنتدى أو التعريف بنفسك لمعاينة هذه الصورة] على ممثل جزائري لما مات بالعكس نولي نضحك هههه [ندعوك للتسجيل في المنتدى أو التعريف بنفسك لمعاينة هذه الصورة]
مشاعري ودمعتي وحجروهملي [ندعوك للتسجيل في المنتدى أو التعريف بنفسك لمعاينة هذه الصورة]
وفي الأخير نذكرلكم موقف ولقطة شفتها في حلقة أخيرة من حلقات إحدى المسلسلات الجزائرية
شفت شاب واقف وهو أعمى زعما وقدامو طفلة ويتفرجو على البحر ومن بعد وفجأة دورت الطفلة وشافت مع الشاب وابتسمت
وفجأة زاد دور الشاب الأعمى وشاف فيها وابتسم [ندعوك للتسجيل في المنتدى أو التعريف بنفسك لمعاينة هذه الصورة]
سبحان الله ؟؟ زعما اعمى ولا نسى على روحو ؟؟ ولا عندو الحاسة السادسة تاع الابتسامات؟؟
ولا باه يبين بلي راهو حافظ السيناريو والله شي يدوخ [ندعوك للتسجيل في المنتدى أو التعريف بنفسك لمعاينة هذه الصورة]
درك خلصو الأفكار تاعي نخليلكم الدور باه تعبرو على واش في قلبكم
وتشكيولنا شوي من الأفلام الجزائرية [ندعوك للتسجيل في المنتدى أو التعريف بنفسك لمعاينة هذه الصورة]
والله كتبت كامل هاد الموضوع غير باه نرسم الإبتسامة على وجهكم ^^
ان شاء الله مايكونش الموضوع تقيل عليكم وتحيا الأفلام الجزائرية ههه [ندعوك للتسجيل في المنتدى أو التعريف بنفسك لمعاينة هذه الصورة]
ســـــلآم

دُمتَمْ بِهذآ الع ـطآء أإلمستَمـرٍ

يُسع ـدنى أإلـرٍد على مـوٍأإضيعكًـم

وٍأإألتلـذذ بِمـآ قرٍأإتْ وٍشآهـدتْ

تـقبلـوٍ خ ـآلص إحترامي

لآرٍوٍآح ـكُم أإلجمـيله