الجامعات تخرج المخاخ و حنا عندنا تخرج عبدة الشيطان

السلام عليكم ورحمة الله تعالى و بركاته

مرحبا بالجميع

بغيت نهدر على ظاهرة رجعت منتشرة في بلادنا و لي هي عبدة الشيطان
لمهم تقريبا كامل شفتوا حصة نتاع عبدة الشيطان فالجزائر لي دارتها البلادtv
بصراحة مكنتش نتوقع أن أكبر مركز لعبدة الشيطان راح يكون الجامعة
يعني تقريبا لي قاعدين يعبدوا فيه من طبقة مثقفة و متعلمة مدام راه فالجامعة فأكيد راه مثقف و متعلم و يعرف بعض الأشياء المحرمة مثلا
ناس كي تشوف عنوان قد السخط يقول عبدة الشيطان فالجزائر فأكيد يقول باينة راهم ولاد و لا بنات ميعرفوش خاطيهم داتهم الهاوية لكن بعد ما تسمع أن أكبر جامعة في افريقيا و لي هي جامعة باب زوار مكان توافد عبدة الشيطان هنا gاع يقولو مالا الجامعة مش مكان للتعلم و الثقافة مكان للعبادة وواش من عبادة عبادة الشيطان [ندعوك للتسجيل في المنتدى أو التعريف بنفسك لمعاينة هذه الصورة]
و تقريبا لي وروهم كامل سنهم يفوق العشرين ماشي صغار قد ما تنحشا ليهم
يدخلوا للجامعة بلباس الأسود و فيه الحيوانات و الاكسسورات عادي
يسمعوا الموسيقى الروك لي فيها أصوات الذئاب و الخنازير أكرمكم الله و البومة تاني [ندعوك للتسجيل في المنتدى أو التعريف بنفسك لمعاينة هذه الصورة]
يشربوا دماء نتاع البنات الشابات الجميلات [ندعوك للتسجيل في المنتدى أو التعريف بنفسك لمعاينة هذه الصورة]
يروحوا للحدائق و للمقابر و يديروا طقوسهم الشطيح و الرديح دgول راهم يدابزوا واحد يضرب في واحد
كل شي عادي كلي مكان والو
هنا السؤال يبقى مطروح : وين راه المسؤول نتاع الجامعة موصلهش gاع خبر على هي الفئة ؟
أمن الجامعة لي يظل واقف عند الباب يخزر في هذي و هذي و يحgر في الزوالي لي لبس كلاكات و بونتاكوغ مراهش يشوف فيهم ؟
والديهم وين راهم مشافوش ولاده في ذيك الحالة و لا بناتهم ؟
كان على بالي بلي كاين عبدة الشيطان فالجزائر كيما كاين في مصر و المغرب و تونس و حتى بلاد الحرمين السعودية مي حاجة لي حبستلي مخي كي قالوا من رواد الجامعات [ندعوك للتسجيل في المنتدى أو التعريف بنفسك لمعاينة هذه الصورة]
و الله مخك يحبسوهلك هذوا العباد
كل واحد يقولنا كان يتصور أن طبقة المثقفة و المتعلمة عندنا يكون نصها من عبيد الشيطان ؟
و شكون المسؤول الأول في انتشارها ؟