سلام الله عليكم أحبتي الكرام وبعد: اليوم عندي ليكم موضوع ترددت شحال من مرة باش نكتبو واليوم قلت نطرحو عليكم ونتناقشو فيه..أولا الضحك ممنوع...و بدون إطالة ندخل في الموضوع
عندي صديق ميفارقنيش أو كان ميفارقنيش وكأنو ظلي .... وفي يوم سافرنا لحمام معدني وفي الطريق واحنا نمشوا قالي:رايح نعترفلك بسر بصح أوعدني متقولو لحتى واحد ,فقتلو سرك في واد ههههه تحطو هنا تلقاه في البحر الابيض المتوسط ...فقالي أنت ديما تاخذ الامور بهزل فقتلو: يا مغبون إذا سرك ضاق على صدرك وحبيت تخرجو ليا فكيفاش يتسعلو صدري ؟ ههههه
قالي والله عنك حق بصح نقولولك وا ذاحكيتو متسمنيش . قتلو في هذي عندك حق...فقالي على بالك نهار تزوجت وجبت العروسة ولما خجنا من السيارةنمشو باش ندخلها للدار وكانت يدي في يدها
فلما شافتني الوالدة بكات.... قتلو غير الخير واش كاين... قالي العروس طويلة عليا بزاف وانا قصير بزاف ههههههه فقالولها النسا علاش تبكي يوم فرح وليدك.قالتلهم واش من فرح؟؟تبان عروس شادة بنها من يدو وتمشي بيه هههههههه وعييت نمسك نفسي من الضحك ..فنظر ليا وقالي والله ماك راجل تضحك في وجهي وانا عييت نلم الموضوع حتى سالو دموعي ولما شفتو غضب بجد ,قتلو:يامخلوق راك محضوض رزقك ربي بمرا ونص ,,,فضحك هههه وقالي ربي يرزقك مثلي ,,ومن بعد قالي علابالك وين المشكل؟؟؟قتلو:علاش كاين مشكل,,قالي كبيييير
قتلو خير واش كاين ,,قالي علابالك كي نهدر معاها هي تشوفني لتحت وانا نرفع راسي لفووووق باش نهدر معاها
كيما قال الرايس :ارفع راسك يا با هههههههههه وقلنا نسكتو بالضحك بأنا وهو حتى سالو دموعنا
الاهم في هذا الموضوع هو:إذا كانت المراة تشترط الجمال في الرجل حتى تتزوج بيه فماذا لوكان هو جميل لكن قصير بزاف وهي طويلة بزاف؟؟؟؟؟ والعكس بالنسبة للرجال
أترك فضاء واسع لأحبتي الكرام لإبداء أرائهم
قبل ما نقول سلام راني قلتلكم في الاول ممنوع الضحك هههه
الرئيسية 
